MUSLIMANËT E KORESË JUGORE

Islamgjakova - Islami në Korenë Jugore deri në luftën koreane të vitit 1950 ishte i panjohur. Njëra ndër shtetet të cilat kishin luftuar në koalicion me Amerikën në atë luftë ishte edhe Turqia. Dy ushtarë turk, Zubejri dhe Abdurrahmani e shfrytëzuan rastin duke bërë da’ve (ftesë në islam) tek Koreanët. Transmetohet nga disa të dhëna se ata e kishin edhe një mesxhid (xhami) të vogël në të cilën ua mësonin njerëzve Islamin. Mundi i tyre u kurorëzua me sukses, sepse 20-30 koreanë e pranuan Islamin. Rritja më e madhe e muslimanëve në Kore filloj me shkuarjen e Koreanëve me punë të përkohshme në shtetet arabe, ku si fuqi e lirë punëtore punonin në ndërtimtari. Organizimi i parë i shkuarjes në Haxh nga Koreja ishte në vitin 1960, përderisa atë grup e kishte udhëhequr një haxhi i quajtur Sabri Seo Jung.
Sot në kore jetojnë 70.000 muslimanë, me xhami të shumta. Është interesante se edhe sot Islami në Kore përhapet pikërisht duke iu falënderuar një lufte tjetër.
Korea e Jugut merr pjesë në luftë kundër “terorizmit Islam”, prandaj sot në Irak janë të stacionuar rreth 3.000 ushtarë Korean. Çdo kontingjent ushtarak i cili e zëvendëson tjetrin duhet të përgatitet për “aventurat” kulturore në Irak. Aty merr pjesë edhe mësimi i ushtarëve Korean për Islamin.
Një gazetë koreane para disa kohësh e përhapi lajmin se 30 ushtarë të rinjë të cilët duhet të dërgohen në Irak e kishin pranuar Islamin në një xhami të Seulit.

“Ata përpiqen me gojët e tyre ta shuajnë dritën e All-llahut, e All-llahu nuk do tjetër, pos ta përsosë dritën e Tij, ndonëse jobesimtarët e urrejnë.” (Et Tevbe, 32)