Episkopët gjerman shkaktuan zemërim në opinion izraelit

Pelegrinazhi i klerikëve katolik gjerman në Izrael, i cili kishte për qëllim shënimin e fillimit të pajtimit të vazhdueshëm mes çifutëve dhe krishterëve gjerman, në vend të kësaj shkaktoi zemërimin e opinionit izraelit.



Vizita, në krye të së cilës ishte kardinali Karl Lehmann, konsiderohej e suksesshme deri në momentin kur gazetat gjermane publikuan deklaratat e disa anëtarëve të delegacionit të tij.

Kështu msgr. Gregor Maria Hanke, Episkop në Eichstätte, tha se në mëngjes kishte qenë në Yad Vashem – muze kushtuar holokaustit – ndërsa në mbrëmje pamjet e njëjta nga fotot e ekspozuara në muze i shikonte në Ramallah, qytet palestinez në Bregun Perëndimor i cili gjendet nën rrethimin izraelit.



Msgr. Walter Mixa, Ipeshkvi në Augsburg, kishte deklaruar se kushtet në Ramallah i gjasojnë “atyre në geto” dhe ka “pamje raciste”.

Kardinali Joachim Meisner, argjipeshkvij i Kölnit, deklaroi se barriera e sigurisë izraelite – e cila ndanë zonat palestineze nga ato izraelite – përkujton murin famëkeq të Berlinit, dhe “kishte menduar se kurrë më nuk do të sheh një objekt të ngjashëm”.

Menjëherë pas publikimit të këtyre deklaratave Shimon Stein, përfaqësues izraelit në Gjermani, tha se deklaratat që krahasohen me Holokaustin dhe racizmit, dhe shfrytëzohen për përshkrimin e marrëdhënieve izraelito-palestineze tregojnë se “klerikët gjerman nuk kanë mësuar asgjë nga historia”.

Kundër klerikëve katolik dhe deklaratave të tyre u paraqitën edhe përfaqësuesit e organizatave çifute në Gjermani.

Pak më vonë kardinali Lehmann dërgoi një letër publike drejtorit të Yad Vashemit me anë të së cilës distancohet nga deklaratat e kolegëve të tij.

Në anën tjetër Episkopi Hanke shpjegoi se nuk kishte për qëllim t’i bëj krahasimet e “padrejtësive të sodit” me “vrasjet masovike të çifutëve nga ana e nacionalsocijalistëve".

burimi: www.islamgjakova.net