Gjermani me emrin Xhihad

Koncepti evropian për islamin dhe myslimanët para dhe pas 11 shtatorit të vitit 2001 është krejtësisht i ndryshëm.

Sot, në shumicën e vendeve evropiane qëndrimet e tyre ndaj islamit dhe myslimanëve kryesisht ndërtohen përmes sanksioneve ligjore, tatimeve apo restrikcioneve, deri në imtësitë më të vogla. Për këtë arsye, kohë pas kohe dhe sa më shpesh, myslimanët dhe problemet praktike në jetën e tyre bëhen temë me të cilën zbaviten popullata evropiane.

Kohët e fundit opinioni gjerman i krijon probleme shtetasit gjerman, me prejardhje egjiptian, i cili djalit të sapolindur dëshiroj t’ia vë emrin Xhihad, duke ia pamund ësuar këtë të drejtë ligjore.

Pesëmbëdhjetë muaj me radhë Reda Seyam, është duke u ballafaquar me autoritetet juridike që djalin e tij ta quaj Xhihad. Me fjalë të tjera, ofiqari kishte refuzuar që fëmiun ta regjistroj me emrin Xhihad, duke u arsyetuar se ky emër është i papërshtatshëm sepse ndërlidhet me terrorizmin dhe vrasjen e njerëzve të religjioneve tjera.

Reda Seyam, nga gjyqi ka kërkuar zgjidhjen e këtij problemi. Pas 18 muaj pritje Seyam pati sukses. Gjykata e Berlinit refuzoi vendimin e shërbimit të gjendjes civile nga distrikti Charlottenburg dhe i jep Seyamit të drejtën që ta emërtoj djalin me emrin Xhihad. Ky vendim i gjykatës shkaktoi protesta në mesin e disa përfaqësuesve të pushtetit në Gjermani. Më i zemëruari ishte ministri i punëve të brendshme Erhart Kurting i cili është i mendimit se fjala xhihad do të thotë luftë dhe se kjo fjalë gjithmonë ndërlidhet me terrorizëm. Edhe pas kundërshtimeve të shumta, djali i Rede Seyamit do të quhet Xhihad.

Para pesë viteve një qifti turk nuk i është lejuar që djalit të porsalindur t’ia vënë emrin Osama bin Laden (Gjermania ka ligje strikte rreth emërtimit të fëmijëve. Nuk lejohet që fëmijët t’i emërtojnë me emrat Hitler, Stalin dhe Osama bin Laden).

burimi: www.islamgjakova.net