Prifti nuk beson u beson lotëve të statujës së virgjëreshës

MÜNCHEN – Statuja e virgjëreshës në qytetin bavarez Heroldsbach, para disa jave ka filluar të qajë, të gjithë dëshmitarët thonë se lotët e saj janë të njelmët dhe të vërtetë.

Të gjithë pos priftit lokal i cili planifikon që lotët t’i dërgoj në laborator për të vërtetuar autenticitetin e tyre.



Statuja e madonës në bujtinën e pelegrinëve në qytezën bavareze filloj të qajë, kështu që lotët i rrjedhin në fytyrën e saj. Ekzistojnë edhe fotografi të cilat skeptikët vështirë mund t’i injorojnë, ndërsa gjashtëdhjetë besimtare të cilët dëshmuan vajtimin thonë se lotët e saj janë definitivisht të njelmët.

Por, i nderuari Dietrich von Stockhausen në këtë rast tregohet i pabesueshëm dhe nuk ishte aspak i përgatitur t’i besoj kësaj ‘mrekullie’.

- Nëse do të na vjen ndonjë shenjë nga qielli atëherë do të jetë diçka që do ta kuptojmë. Nuk do të bëhet fjalë për gjëra të paqarta siç është kjo me të cilën është lehtë të manipulohet – ishte i ashpër von Stockhausen. Ai i ka arsyet e veta për skepticizëm. Në vitin 2001 statuja e ‘foshnjës Jezus’, gjithashtu, kishte filluar të qajë, por pasi që e kishte mbyllur në vitrinë, lotët u ndalën.



Pas kësaj ai gjeti disa gypa të dyshimtë në shportën e mbeturinave. Për këtë arsye prifti kësaj radhe është mjaft i kujdesshëm. Ai i fshiu lotët e virgjëreshës dhe i përgatiti që t’i dërgoj në Institutin e Erlangenit, ku do të shqyrtohet besueshmëria e kësaj ‘mrekullie’.

Heroldsbach është bërë vend i shenjtë pasi që në vitin 1949 një grup i vajzave njëmbëdhjetë vjeçare pohuan se kishin parë vizionin e virgjëreshës, foshnjën e saj dhe engjëllin në malin afër qytetit. Pastaj është ndërtuar një kapelë e vogël, por selia e argjipeshkvisë në Bemberg këtë shenjtëri zyrtarisht e njohu në vitin 1998.

burimi: www.islamgjakova.net