Tre nxënës myslimanë viktima të një sulmi me armë

Kanë humbur jetën 3 nxënës pas sulmit me eksplozivë dhe armë zjarri në një shkollë islamike në jug të Tajlandës. Sulmi ka nxitur protesta të dhunshme të fshatarëve myslimanë të vendit ku ka ndodhur ky akt, është bërë e ditur nga zyrtarët tajlandezë.

Shtatë nxënës të tjerë janë lënduar gjatë këtij sulmi në krahinën Songhkla për të cilin polica fajëson kryengritësit mysliman.

Në anën tjetër fshatarët nuk besojnë se myslimanët fshihen prapa sulmit të sotëm. Më shumë se 500 persona janë mbledhur menjëherë në afërsi të shkollës ku ka ndodhur sulmi duke mbajtur trupat e pajetë të nxënësve të vrarë.

Protestuesit iu kanë vënë flakën edhe dy objekteve në afërsi të një shkolle që është pronë e qeverisë.

burimi: www.islamgjakova.net