Në Split nuk do të ketë xhami

Xhamia e parë në Split, për të cilën besimtarët mysliman në kryeqytetin e Dalmacisë ëndërrojnë plot njëzet vjet, atëherë kur është menduar se do të ketë përkrahje nga vetë qytetarët e Splitit, fitoi kundërshtarët më të ashpër – 40 kilometra më larg, në ishullin Çiovo, shkruan ‘Slobodna Dalmacia’.



Pra, në vendin Okrug – i njohur nga disa qindra kroat të ardhur nga Bosnja e mesme, ka filluar një peticion serioz me anë të cilit planifikohet ndalimi i ndërtimit të faltores myslimane.

Më saktë dyqind banorë të Çiovos me dorën e vetë kanë nënshkruar kërkesë që në “kryeqytetin e zhupanisë së tyre” të mos lejohet ndërtimi i xhamisë.

“Për ne nuk ka rëndësi minarja e lartë... Në çdo mjedis ka njerëz të cilët kanë mendime të ndryshme, nuk mund të them se reaksionet e tilla janë të papritura”, thotë efendi Haxhiq, imam i Splitit.

“Ne vërtet nuk mendojmë të ndërtojmë një minare të lartë, apo ndonjë stil të huaj ndërtimi; kur të vjen koha dhe kur atë e lejon Zoti, në bashkëpunim me qytetin dhe të gjitha shërbimet shtetërore, do të shpallim konkurs për projektin e xhamisë. Ne dëshirojmë që ajo t’i përshtatet mjedisit dhe mos të çrregulloj arkitekturën përreth, të arrijmë një zgjidhje e cila u përshtatet të gjithëve. Lartësia e minares nuk na intereson aq shumë, me rëndësi është që besimtarët më në fund të kenë hapësirë adekuate për kryerjen e faljes e cila shumë vjet u mungon.”

Aksioni, e pranon Aldo Deliç, organizatori i saj, vullnetar i pensionuar dhe pronar i kafeterisë lokale Genscher, ka filluar pasi që javën e kaluar ‘Slobodna Dalmacia’ ka sjellë njëfarë simulimi personal të xhamisë në Dragovod. Në atë pasditet të qetë vikendi pamja e minares së lartë në mesin e shkatërrinave të paligjshme të betonit në periferinë e Splitit aq shumë e nervozoi sa që ishte e pamundshme të mos reagoj.

I revoltuar nënshkroi në një fletë të bardhë, atij shumë shpejtë iu bashkëngjitën ekipi e tavolinës së afërt dhe dalëngadalë, në atë fletë u grumbullua një numër i madh i emrave dhe më nuk kishte kthim.

“Jemi mjaft të zemëruar me këtë lajmërim dhe vendosëm të mos rrimë duar kryq, ne gjithsesi duhet të pyetemi!” thotë Deliç.

“Spliti është krenaria e Dalmacisë dhe Mediteranit, ne gjithmonë kemi qenë kundër turqve, ndërsa kundër myslimanëve edhe unë vet kam luftuar në luftën e fundit. Pas pamjeve trishtuese të fëmijëve të vrarë, me besoni, është njerëzore të luftosh kundër xhamisë”, thotë i bindur Deliç.

Sipas tij, shumica e besimtarëve mysliman në Split janë Boshnjak – “siç dihet ata janë konvertuar nga feja krishtere, andaj më mirë do të ishte që të kthehen ne krishterizëm, në vend se të ndërtojnë minare”.

Deliçit, siç duket, i paska ikur informata se Bashkësisë Islame në Split nuk insiston në ndërtimin e minares, por në një objekt për lutje.

“Ne nuk jemi fashist, apo nazist, e as nacionalist, këtë duhet ta dini. Kryeministrin Ivo Sanader e porosisim: nëse kjo është biletë për Evropë, atëherë ne nuk kemi nevojë për një Evropë të tillë”, ishin fjalët e ashpra të Deliçit.

Edhe pse në fillim fjalët e tij tingëllonin si një tallje e mirë, kjo nuk duket ashtu sepse pas tij qëndrojnë saktësisht dyqind banorë me emër dhe mbiemër – dhe planifikohen edhe nënshkrime tjera.

Dominik Matkoviç, kryetari i kësaj bashkësie të vogël, profesor i kulturës religjioze, konsideron se idenë për ndërtimin e xhamisë në Split e nxitën “ateistët mysliman dhe poltronët tanë vendas”.

Objekti fetar, thotë ai, nuk u nevojitet aq shumë besimtarëve mysliman “sepse ata mund të falen në çdo vend, ata edhe ashtu janë duke u falur”. Por, personalisht, si një intelektual, nuk ishte kundër ndërtimit të xhamisë.

“Është me rëndësi se a do të punohet për një objekt shiit, sunit apo vehabit, sepse disa prej tyre do të shkaktojnë intolerancë. Gjithashtu, me rëndësi është minarja, ajo nuk duhet të jetë e lartë dhe duhet t’i përshtatet mjedisit – nëse kështu veprohet, atëherë le të ndërtohet, por nëse jo – gjysma e qytetarëve të Splitit do të shpërngulen nga qyteti i tyre”, është i bindur Matkoviç.

Seka Boshnjak nga Bosnja, e lindur në Travnik, thotë: “Më mirë do të jetë të ndërtohen uzina ku njerëzit do të punojnë, jemi mërzitur me kisha dhe xhami”

Fqinja e saj nga Vakufi, e cila sigurisht se është mërzitur nga mediat, andaj kishte dëshirë të jetë anonime, thotë se xhamia në Split nuk duhet të ekzistoj. “Ata janë duke u përhapur dhe po pushtojnë terrenin, unë jam kundër! Por, jo edhe kundër kishave ...”

Monotoninë e ndërprenë Snezhana Pavkoviç, e ardhur nga Bosnja, të cilës xhamia nuk i pengon fare.

“Mua nuk më pengon dëshira e askujt, si mendoni të hyni në Evropë me këto qëndrime?! Unë jam për llojllojshmëri, kujt do t’i bëj dëm kjo? Dashuria i thyen të gjitha, nëse një ditë në shtëpinë time do të vijë një mysliman apo një zezak – çfarë do të bëja? Dashuria është mbi të gjitha” thotë Snezhana për ‘Slobodna Dalmacija”.

Sa ndikuan fjalët e kësaj zonje në të gjitha këto paragjykime, dëshmon fakti se zonja Pavkoviç është nga Shiroki Brijeg.

Mashallah ...

burimi: www.islamgjakova.net