Australi - Alimi kontrovers formon partinë politike

300.000 myslimanëve australian u nevojitet një parti e tyre politike, por ajo do të jetë e hapur ndaj të gjitha religjioneve, deklaroi të hënën imami i xhamisë më të madhe në Sidney.



Sheiku kontrovers Taj Din al-Hilali bëri të ditur se partia e re do të garoj edhe në nivelet shtetërore dhe ato federale.

Al-Hilali, i cili nuk flet gjuhën angleze edhe pse në Australi jeton më shumë se 20 vjet, tha se partia do t’i favorizoj vlerat universale siç janë nderi, dinjiteti dhe barazia.

“Kjo nuk do të jetë parti vetëm e myslimanëve dhe nuk do të quhet partia myslimane”, deklaroi Al-Hilali. “Është vullnet i Zotit të formohet partia e cila do të jetë alternativ për njerëzit që nuk janë të kënaqur me partitë në pushtet”, shtoi Al-Hilali.

Për Al-Hilalin opinioni australian dhe botëror për herë të parë kishin dëgjuar pas deklaratave të tij se femrat e pambuluara kërkojnë të jenë të dhunuara. “Nëse macja e hanë mishin e pambuluar të cilin ju e keni lënë në rrugë, i kujt do të ishte faji i maces apo i atij që nuk e ka mbuluar?”, kishte thënë Al Hilali duke shtuar se problemi kryesor është “mishi i pambuluar”, duke aluduar në femrat që nuk bartin hixhabin.

burimi: www.islamgjakova.net