Vajza 11 vjeçare përdoret si “mburojë e gjallë”

Ushtarët izraelit e përdorën si “mburojë të gjallë” palestinezen 11 vjeçare gjatë një operacioni kundër luftëtarëve palestinez në Nablus, qytet në Bregun Perëndimor, lajmëron një grup izraelit për të drejtat e njeriut.

Ushtria izraelite deklaroi se është duke verifikuar informatën e grupi B’Tselem, e cila mbikëqyr aksionet izraelite në territoret e okupuara. Ligji izraelit ndalon shfrytëzimin e “mburojave të gjalla”.

B’Tselem deklaroi se vajza, Jihan Daadush, u kishte treguar se ushtarët izraelit kishin hyrë me forcë në shtëpinë e familjes së saj dhe nga ata kishin kërkuar t’ju tregojnë vendin ku ndodhen personat e armatosur.

Ushtarët, deklaroi ajo, ishin kërcënuar se do ta arrestojnë nëse nuk i dërgon deri tek shtëpia e afërt. “Njëri prej tyre më urdhëroi të shkoj në drejtim të asaj shtëpie”, B’Tselem citon vajzën. “Tre ushtarë rrinin pas meje. Kur erdha afër shtëpisë, dolën shumë ushtarë. Ata më urdhëruan të hyj në shtëpi dhe unë hyra.”

B’Tselem deklaroi se Jihan u kishte thënë se ushtarët ia kishin drejtuar reflektorët dhe e pyetnin për personat brenda në shtëpi. Në deklaratë nuk është përmendur se a kishin gjetur njeri brenda në shtëpi. Më pas dy ushtarë e kishin kthyer vajzën në shtëpinë e saj.

“Njëri prej tyre më tha: Faleminderit, por mos i thuaj askujt”, tha vajza. “kisha frikë se do të më vrasin apo do të më arrestonin. Ende kam frikë se do të vijnë dhe do të më marrin.”

B’Tselem, gjithashtu, deklaroi se ushtria izraelite, gjatë sulmeve pesë ditore në Nablus kishte përdorur edhe një palestinez 15 vjeçar dhe një të rritur për qëllime të njëjta.

Ushtria izraelite këtë operacion e përfundoi më një mars. Gjatë sulmit, ushtarët kishin vrarë një civil dhe kishin arrestuar 11 palestinez të dyshuar.


The Peninsula (Katar)

burimi: www.islamgjakova.net