Për Izraelin do të luftojnë robotët

Izraeli do të mobiloj robotë, madhësia e të cilëve do të jetë e përafërt me një televizor të vogël, të armatosur me automatik dhe granata dore. Do të kontrollohen me anë të kamerave, nuk do t’ju pengojnë as shkallët, rrugët e errëta, shpellat ...

Kompania ushtarake izraelite Elbit Systems Ltd. ka paraqitur robotin gjurmues-vrasës i cili ka mundësi të shfrytëzohet në zonat luftarake, ndërsa armatimi i tij do të jetë automatiku i ngjashëm me Uzi dhe granata dore.

Roboti VIPeR, madhësia e të cilit do të jetë e ngjashme me një televozr të vogël, është rezultat i përpjekjeve që të zhvillohet një armë e cila në luftimet e afërta me militantët palestinez dhe guerilët e Hizbollahut libanez do ta zvogëlonte rrezikun e ushtarëve izraelit.

Prodhuesi pohon se robotit nuk i pengojnë shkallët, rrugët e errëta, shpellat dhe tunelet e ngushtë.

Izraeli planifikon ta fusë VIPeR-in në këmbësori pas disa provave në teren, ndërsa armatimi do të përdorej përmes video kamerave.

burimi: www.islamgjakova.net