Myslimanët për herë të parë në qeverinë holandeze

Ahmed Abu Taleb dhe Nebahat Albayrak emërohen persona të lartë në ministrinë për punë sociale dhe integrim në qeverinë e re të Jan Peter Balkenendeut. Kështu ata janë myslimanët e parë në qeverinë e Holandës, lajmërojnë agjencitë botore.

Javën e kaluar Ahmed Abu Taleb dhe Nebahat Albayrak ishin myslimanët e parë të cilët shkelën në vetë bërthamën e fuqisë politike të Holandës, por janë edhe pjesë e numrit të vogël të emigrantëve të cilët arritën deri te këto pozita të larta të kabinetit në mbarë Evropën perëndimore, transmetojnë agjencitë.

Ahmed Abu Taleb dhe Nebahar Albayrak

Ahmed Abu Taleb dhe Nebahat Albayrak përshkruhen si emigrant të përshtatshëm të cilët veten e quajnë “Holandez të ri”. Ahmed Abu Taleb është me origjinë marokene, ishte anëtar i këshillit komunal dhe njihet sipas thirrjes së tij drejtuar imamëve në Holandë ku i porositë: “Integrohuni ose largohuni nga vendi!”

Ahmed Abu Taleb është emëruar zëdhënës ministër për çështje sociale, ndërsa Nebahat Albayrak, avokate dhe anëtare e parlamentit, me prejardhje nga Turqia, zëdhënëse e ministrit të drejtësisë. Mjetet e informimit i marrin si shembuj të suksesit në vendin i cili luftoi me pa sukses në sistemin e multikulturës, dhe që gjendet nën mbikëqyrje të ashpër pas vrasjes së regjisorit Teo Van Gogut në vitin 2004.

“Kjo është Evropë e re dhe Holanda paraqet shembull të vërtetë”, tha marokeni, Sadik Harchaoui, i cili udhëheq Institutin ndërkombëtar për zhvillim multikulturor. “Ky është rast kur holandezët emigrant do të kenë mundësi të merren me punë të tilla, jo vetëm në qeveri, por edhe në biznes”, shtoi ai, duke shpjeguar se ende duhet bërë një rrugë të gjatë. “Për 15 deri në 20 vjet kjo do të jetë diçka normale”, tha Harchaoui.

Krahas informatave për hyrjen e myslimanëve në qeveri mediat përmendin se “integrimi i myslimanëve, siç duket, është duke u zhvilluar në fusha të ndryshme”.

Në zgjedhjet lokale të vitit të kaluar numri i këshilltarëve komunal nga Maroku dhe Turqia, vende myslimane me numrin më të madh në Holandë, është rritur për 62%, respektivisht nga 139 në 223. Numri i emigrantëve nga këto vende në parlamentin nacional nga 150 mandate është rritur prej pesë në shtatë. Edhe Abu Taleb dhe Albayrak janë anëtarë të partisë laburiste e cila tërheq një numër të madh të emigrantëve si në zgjedhjet shtetërore ashtu edhe në ato lokale.

Partia e djathtë ekstreme e Holandës ka kundërshtuar emërimin e dy myslimanëve për anëtarë të qeverisë së re. Fjalimi i përfaqësuesit të tyre në parlament, Sietse Fritsma, ku u bëri thirrje në revokim të emërimit të myslimanëve, ishte ndërprerë me pakënaqësinë e deputetëve të partive të ndryshme, pas së cilës, kryetarja e parlamentit, Gerdi Verbek, ndërpreu seancën.

Pasi që deputetët përsëri u mbledhin Verbek tha se Fritsma është tërhequr nga iniciativa për bllokimin e emërtimit sepse kjo është në kundërshtim me Kushtetutën e Holandës ku ndalohet diskriminimi, në çka deputeti i
përmendur është betuar.

burimi: www.islamgjakova.net