Delegacioni i Konferencës Islamike pengohet ta vizitojë xham

Burimet informative kanë njoftuar se ushtarët izraelit kanë penguar delegacion e përbërë nga përfaqësues të OKI ta vizitojnë dhe inspektojnë xhaminë Al Aksa.

Këtë lajm e ka bërë të ditur zëvendësdrejtori i komitetit të Kudsit pranë OKI. Duke dënuar këtë akt të shëmtuar të Regjimit Sionist ai tha se gërmimet që janë duke ndodhur në xhaminë Al Aksa janë shumë të rrezikshme dhe të dëmshme për këtë xhami.

Në këto gërmime është vënë në shënjestër dera perëndimore e xhamisë së Kudsit. Në lidhje me këto gërmime Regjimi Sionist ka thënë se është duke ndërtuar shkallë për tu ngjitur lartë dhe ka nevojë për këto gërmime. Kjo urë e lidhë Bejtul Mukaddesin perëndimor, i cili në vitin 1948 është pushtuar nga ana e okupatorëve sionistë me Mesxhidul Aksan, që ndodhet në Kudsin lindor.

Dëshmitarët e këtyre gërmimeve kanë thënë se Regjimi Sionist është duke u përpjekur që me anë të këtyre gërmimeve të hapë tunele dhe të fusë makina dhe autoblinda në xhaminë Al Aksa. Kudsi lindor gjithashtu është i ruajtur edhe nga UNESKO dhe Regjimi Sionist duhet të largohet nga ai vend, sepse në këtë mënyrë që është duke vazhduar të qëndrojë aty, ai shkelë ligjet e OKB-së.

Përçarjet e vendeve islame në OKI kanë bërë që Regjimi Sionist të sillet në këtë formë me popujt mysliman. Mos lejimi i vizitës së delegacionit të OKI në xhaminë e Kudsit, është vetëm njëri nga sjelljet amorale të këtij regjimi ndaj botës islame.

burimi: www.islamgjakova.net