Krijimi i frontit islamiko-kristian për mbrojtjen e Bejtul M

Intensifikimi i akteve shkatërrimtare të regjimit sionist në Bejtul Mukades e sidomos kundër objekteve fetare dhe historike të këtij qyteti ka shkaktuar protesta të gjëra të palestinezëve dhe reagime negative të ndërkombëtarëve si dhe të personaliteteve myslimane dhe të krishterë.

Në këtë kuadër Tisir Al-Tamimi, kryeprokurori i Palestinës në një konferencë të përbashkët shtypi me kryepeshkopin e kishës katolike në Ramallah, Ataullah Hana deklaruan krijimin e një fronti të përbashkët islamiko-kristian për mbrojtën e Bejtul Mukadasit. Qëllimi i krijimit të këtij fronti është koordinimi i organizatave që ndjekin problemet e Bejtul Mukadesit brenda dhe jashtë Palestinës.

Al-Tamimi theksoi se regjimi sionist që nga viti 1967 ka filluar përpjekjet për shkatërrimin e Xhamisë së Shenjtë Al-Aksa ndërsa Atullah Hana theksoi se të krishterët dhe myslimanët palestinezë kanë qëndrime të përbashkëta përballë problemeve që po kalon Bejtul Mukadesi në agresionet e regjimit sionist.

Hana i ftoi të gjithë klerikët dhe intelektualët e krishterë dhe myslimanë të Palestinës të mobilizohen për mbrojtjen e Bejtul Mukadesit. Krijimi frontit islamiko-kristian për mbrojtjen e Bejtul Mukadesit dëshmon shqetësimin e madh dhe të përbashkët të myslimanëve dhe të krishterëve përballë akteve destruktive të regjimit sionist.

Krijimi i këtij fronti dëshmon për vullnetin serioz të liderëve myslimanë dhe të krishterë për të kundërshtuar aktet provokuese dhe shkatërrimtare të regjimit sionist kundër objekteve fetare në Palestinë dhe sidomos në Bejtul Mukades.

Që prej pushtimit të tokave palestineze, regjimi sionist është përpjekur të ndryshojë identitetin fetar dhe demografik të Bejtul Mukadesit dhe ta shndërrojë atë në kryeqytet të Izraelit. Në kuadër të këtij qëllimi, regjimi sionist ka ndërmarrë akte shkatërrimtare kundër Xhamisë Al-Aksa e cila është simboli kryesor i identitetit islamik të Bejtul Mukadesit.

Në këtë mënyrë edhe simbolet fetare të krishterëve në Bejtul Mukades nuk janë në siguri të plotë pasi sulmet e disa viteve më parë të regjimit sionist në simbolet krishtere në Jordani kanë treguar se kishat dhe simbolet krishtere nuk janë të sigurta. Politikat shkatërrimtare të këtij regjimi janë shumë të rrezikshme dhe për këtë formimi i një fronti të përbashkët islamiko-kristian është i nevojshëm.

www.islamgjakova.net