Imami i Bosnjës kërkon të bojkotohen prodhimet nga Serbia

“Pas vendimit të gjykatës së Hagës është turp t’i mbushim shtëpitë tona me qese të prodhimeve serbe. Apeloj tek të gjithë besimtarët mysliman që mos t’i blejnë ato”, kishte thënë Sadrudin Isheriç, imam në ‘Careva xhamia’ në Sarajevë.

Imami Sadrudin Isheriç, në xhuma, ftoi besimtarët mysliman që mos t’i blejnë prodhimet nga Serbia për shkak të vendimit, sipas të cilit ai vend nuk është përgjegjës për gjenocid në Bosnje dhe Hercegovinë. Ai tha se është i vetëdijshëm që sot nuk është duke mbizotëruar drejtësia e të drejtit, por drejtësia e më të fortit dhe më të organizuarit.

Është absurde dhe e turpshme (pas vendimit) ti mbushim shtëpitë tona me prodhimet e tyre. Ftoj secilin mysliman që mos t’i blej ato – tha në hytben e tij Isheriç.

Ai, gjithashtu, tha seky vendim është i rëndësishëm për një bashkësi serioze, përderisa për atë joserioze edhe dënimi për Serbinë do të ishte i parëndësishëm.

www.islamgjakova.net