Kartoni i kuq ripërtërin debatet rreth hixhabit

njëmbëdhjetë vjeçare është larguar nga ndeshja e futbollit sepse refuzoi ta heq hixhabin e saj. Ky rast ripërtëriu debatet rreth të drejtave të pakicave në Quebec dhe nxiti komentet e kryeministrit Jean Charest.

Federata e futbollit në Quebec njoftoi se Asmahan Mansour nga Ottawa i është ofruar zgjedhja mes hixhabit dhe lojës në turneun javor në afërsi të Lavalit. Federata pohon se hixhabi – mbulesa islame apo mbulesa e kokës – shkel rregullat të cilat i vendosi kreu i sportit për shkaqe sigurie, lajmëron AP.

Por, të tjerët dënuan vendimin e gjyqtarit, duke pohuar se ky është vetëm edhe një shembull se si Quebec përpiqet t’i fut emigrantët jashtë modelit kulturor.

Maria Mansour, nëna e vajzës, për radio BBC deklaroi se ky incident në vete përmban motive racore. “Unë besoj se nuk është e drejtë, sepse futbolli është vetëm një lojë pa marrë parasysh se a luhet në Ontario, në Quebec apo në Evropë. Mos t’i lejohet vajzës myslimane e cila mburret me religjionin e saj të luaj futboll, të cilin e donë pa masë, kjo nuk mund të paramendohet”, deklaroi Mansour.

“Më është dashur forcë e madhe që ta shikoj vajzën time duke u nënçmuar para shumë njerëzve”, tha ajo.

Federata e futbollit në Kvebek ka vërejtur se gjyqtari gjithashtu ishte mysliman.

Kryeministri i Kvebekut Jean Charest, futbollist i dikurshëm, është prononcuar rreth këtij rasti. “Sipas asaj që unë jam i informuar, gjyqtari ka zbatuar rregullat e federatës së futbollit dhe ka marrë vendim të tillë”, deklaroi Charest.

Këshilli mysliman në Montreal njoftoi se federata e futbollit në Ontario u lejon futbollistëve të bartin shenja fetare në fushë dhe nga federata e futbollit në Quebec kërkoi që t’i respektoj të drejtat fetare të lojtarëve të saj.

“Të kërkohet nga grupet minoritare që të integrohen nuk mund të barazohet me detyrimin e tyre që të asimilohen dhe të privohen nga identiteti dhe të drejtat e tyre”, deklaroi portparoli i këshillit Salam Elmenyawi.

Këshilli, gjithashtu, kritikoi Charestin, duke pohuar se ai nuk është marrë me këtë çështje në mënyrë të përshtatshme.

www.islamgjakova.net